समाधान संवददाता, पोखरा

पोखरामा सोमबार ८ जनामा कोरोना पुष्टि भएको छ । पोखराका विभिन्न वडाका ६ पुरुष र २ महिलामा कोरोना पोजेटिभ देखिएको हो ।

पोखरा महानगर स्रोतका अनुसार आज कोरोना पुष्टि भएका ४ जना विदेशबाट आएका हुन् भने ४ जना कन्ट्याक ट्रेसिङमा परेका हुन् ।

कोरोना पोजेटिभ देखिनेमा वडा नम्बर १७ का ३ जना छन् । त्यसबाहेक १, ८, १५, २२ र २८ का १/१ जना छन् । पोखरामा हालसम्म ८५ जनामा कोरोना पुष्टि भएको छ ।

गण्डकी प्रदेशमा भने कोरोना संक्रमितको संख्या १३ सय २० पुगेको छ । संक्रमितमध्ये १ हजार १८ जना निको भएका छन् भने ४ जनाको मृत्यु भएको छ ।