समाधान संवाददाता
स्याङ्जा

सलह कीरा नियन्त्रणका लागि पुरस्कारको व्यवस्था गरेको आँधीखोला गाउँपालिकाले छोपेर ल्याउने बालबालिकालाई नगद प्रदान गरेको छ ।

भारत हुँदै पहिलो पटक आँधीखोलामा सलह देखिएप्छि असार १५ गाउँपालिकाले विज्ञप्ति निकाल्दै छोप्नेलाई प्रति किलो ३ सय रुपैयाँ दिने बताएको थियो ।

निर्णय अनुसार दोस्रो पकक साउन ३ गते आँधीखोला गाउँपालिकाका वडा नम्बर ५ का १३ वर्षीय प्रज्ज्वल केसी, एन्जोन केसी र विधान केसीले ४ सय ग्राम सलह छोपेर आँधीखोेला गाँउपालिकालाई बुझाएका थिए । आँधीखोला गाउँपालिकाले सलह छोप्ने बालबालिकालाई १ सय २० रुपैयाँले पुरस्कृत गरेको हो ।

सलह छोपेर छोपेर कृषि शाखामा बझाएपछि गाँउपालिकाले उनीहरुलाई निर्णय अनुसार नगद पुरस्कार दिएको गाउँपालिका अध्यक्ष सुधीरकुमार पौडेलले बताए । कालिगण्डकी पालिकाले समेत छोपेर ल्याउनेलाई प्रति केजी १ सय रुपैयाँ दिने निर्णय गरे पनि थोरै परिणाम भए पनि सलह छोपेर ल्याई नगद बुझेको यो जिल्लामै पहिलोपटक हो ।

सलह कीरा २ पटकमा ४ दिन जिल्लामा देखिएको जंगलमा रहेका रुखको पात खाए पनि बालीमै भने ठूलो असर नपारेको कृषि ज्ञान केन्द्रका प्रमुख शालिग्राम अधिकारीले बताए ।

सलह छोपेर ल्याएका बालिबालिका स्याङ्जाको आँधीखोला गाउँपालिकाबाट नगद लिँदै ।