समाधान सम्वाददाता

गृह मन्त्रालयले मास्क नलगाई बाहिर निस्कनेलाई कारवाही गर्न यस अघि पनि निर्देशन दिएको थियो । त्यसको एक दुई दिन प्रहरीले कारवाही पनि गर्यो । तर अहिले फेरि बजारमा मास्क लगाउने भन्दा नलगाउनेको संख्या अत्याधिक छ ।

त्यसैले गृहमन्त्रालयले आइतबार फेरि अर्को निर्देशन जारी गरेको छ । ७७ वटै जिल्लालाई दिइएको निर्देशनमा मास्क नलगाई बाहिर निस्कने जो कोहीलाई कारवाही गर्न भनिएको छ ।

यसअघि पनि लकडाउन नखुल्दै असार २२ गते गृहमन्त्रालयले मास्क नलगाई हिँड्नेहरूलाई कारबाही गर्न प्रहरी प्रधान कार्यालयलाई पत्राचार गरेको थियो।

केही जिल्लामा निर्देशनको पालना भए पनि धेरैले मास्क नलगाई हिँड्ने गरेका छन्।