समाधान संवाददाता, पोखरा
पोखरा महानगरपालिकाका मेयर मानबहादुर जिसीको कोरोना परीक्षण रिपोर्ट नेगेटिभ आएको छ । कोरोना पुष्टि भएका वीरगञ्ज महानगरपालिकाका मेयर विजयकुमार सरावगीसँग काठमाडौंमा भेटेका मेयर जिसीको कोरोना नेगेटिभ आएको हो ।

मेयर सरावगी र जिसी बीच काठमाडौंमा भएको नगर लगानी कोषको बैठकमा भेट भएको थियो । गत सोमबार काठमाडौं गएका जिसीले फर्किएपछि स्वाब परीक्षणका लागि दिएका थिए ।

वीरगञ्जका मेयर सरावगीमा बिहीबार कोरोना पुष्टि भएको हो । उनलाई कहाँबाट कोरोना सर्‍यो भन्ने यकीन भएको छैन ।

काठमाडौंमा भएको बैठकमा विभिन्न नगरपालिका, उप–महानगरपालिका र महानगरपालिकाका प्रमुख उपस्थित थिए ।