समधान संवाददाता, पोखरा

गण्डकी प्रदेशमा थप ३ जनामा कोरोना पुष्टि भएको छ । बागलुङका २ र कास्कीका १ जनामा कोरोना पोजेटिभ देखिएको स्वास्थ्य निर्देशनालय गण्डकीले जनाएको छ ।

बागलुङका संक्रमित गलकोट र जैमिनी नगरपालिकाका हुन् भने कास्कीका संक्रमित पोखरा महानगरपालिकाका हुन् ।

योसहित गण्डकीमा कोरोना संक्रमितको संख्या १५ सय ५५ पुगेको छ । संक्रमितमध्ये १३ सय ६२ जना निको भएका छन् भने ४ जनाको मृत्यु भएको छ ।

यसअघि आज बिहान पोखराका ९ पुरुषमा संक्रमण पुष्टि भएको थियो ।