पोखरा

पाेखरा महानगरपालिकालाई भारतीय पेन्सन क्याम्प पोखराले स्वास्थ्य सामग्री सहयोग गरेको छ । पेन्सन वितरण कार्यालय पोखराका प्रमुख सेनानी शशांक त्रिपाठीले पोखरा महानगर प्रमुख मानबहादुर जिसीलाई स्वास्थ्य सामग्री हस्तान्तरण गरे । पेन्सन क्यामले १ सय थान पञ्जा र १ सय थान गम्बुट प्रदान गरेको हो ।

महानगर प्रमुख जिसीले कोरोना भाइरसको संक्रमणविरुद्ध लडाइँमा क्याम्पले गरेको सहयोगप्रति आभार व्यक्त गर्दै लकडाउन खुले पनि संक्रमण नसकिएको बताउँदै थप सजक र सर्तक बन्नुपर्नेमा जोड दिए ।

भारतीय पेन्सन वितरण कार्यालय पोखराका प्रमुख सेनानी शशांक त्रिपाठीले कोरोना नियन्त्रणमा सानो भएपनि आफ्नो तर्फबाट केही सहयोग गरौं भन्ने उद्देश्यले सहयोग गरेको बताए ।

उनले यसअघि पोखरा महानगरको वडा नम्बर १० र १५ मा खाद्यान्न वितरण गरेको बताए । उनले जिल्ला प्रहरी कार्यालय कास्की र वडा प्रहरी कार्यालय रामबजारलाई स्वास्थ्य सामग्री प्रदान गरेको सुनाए । कार्यक्रममा पोखरा महानगरका उपप्रमुख मञ्जुदेवी गुरुङ र प्रमुख प्रशासकीय अधिकृत महेश बरालले स्वास्थ्य सामग्री प्रदानले कोरोना संक्रमण नियन्त्रमा थप सहयोग पुग्ने विश्वास व्यक्त गरे ।

तस्बिर : पोखरा महानगरपालिका प्रमुख मानबहादुर जिसीलाई स्वास्थ्य सामग्री हस्तान्तण गदै भारतीय पेन्सन क्याम पोखराका प्रमुख सेनानी शशाँक त्रिपाठी ।