समाधान संवाददाता

पोखरा महानगर पालिकामा २ जना सहित गण्डकी अञ्चलमा सोमबार अर्थात आज थप ८ जना कोरोना भाइरस संक्रमण भएका मानिस थपिएका छन् ।

गण्डकी प्रदेश स्वास्थ्य निर्देशनालयका अनुसार पोखरा महानगर पालिका वडा नम्बर ५ का ३७ बर्षीय एक पुरुष र वडा नम्बर २६ की ४० बर्षीया एक महिलामा कोरोना भाइरस संक्रमण भएको पाइएको हो । उनीहरुको कोरोना परिक्षण रिपोर्ट पोजेटिभ आएको छ ।

यस्तै नवलपुरको गैडाकोटका २ जना, तनहँुको भानु र बन्दिपुरमा १–१ जना, स्याङ्जाको गल्याङ र पर्वतको मोदी गाउ पालिकाका एक एक जनामा कोरोना संक्रमण पुष्टी भएको छ ।

यो संगै गण्डकी प्रदेशमा कोरोा संक्रमितको संख्या १ हजार ६ सय २० पुगेको छ भने १ हजार ४ सय ७० जना सन्चो भए्रर घर फर्किसकेका छन् । प्रदेशमा अहिलेसम्म कोरोना संक्रमणका कारण ३ जनाको ज्यान गएको छ ।