समाधान संवाददाता, पोखरा

गोरखाका ३ जनामा कोरोना संक्रमण पुष्टि भएको छ । स्वास्थ्य निर्देशनालय गण्डकीका अनुसार गोरखा नगरपालिकाका २ पुरुष र १ महिलामा कोरोना पोजेटिभ देखिएको हो ।

उनीहरुको स्वाब राष्ट्रिय जनस्वास्थ्य प्रयोगशाला टेकुमा परीक्षण गरिएको हो ।

योसहित गण्डकीमा कोरोना संक्रमितको संख्या १६ सय २३ पुगेको स्वास्थ्य निर्देशक डा. विनोदविन्दु शर्माले जानकारी दिए । संक्रमितमध्ये १४ सय ७० जना निको भएका छन् भने ५ को मृत्यु भएको छ ।