पोखरा

लायन्स क्लब अफ पोखरा सिमल चौतारीको आयोजनामा शनिबार भएको कार्यक्रममा १ सय २१ युनिट रगत संकलन भएको छ ।

कोरोनाको महामारीले रगतको अभाव भएपछि क्लबको सक्रियताका उक्त कार्यक्रम गरिएको हो । कार्यक्रममा डिस्ट्रिक्ट ब्लड डोनेसन कमिटी डिपार्टमेन्ट चिफ बालकृष्ण शर्माले प्रोत्सहनस्वरुप क्बललाई ५ हजार रुपैयाँ प्रदान गरे । यो वर्ष एकल रुपमा रक्तदान कार्यक्रम गर्नेलार्ए हौसलास्वरुप ५ हजार रुपैयाँ प्रदान गर्ने डिस्ट्रिक्ले घोषणा गरेको छ ।

डिपार्टमेन्ट चिफ शर्माले रक्तदाता विमला अधिकारीलाई ब्लड ब्याग हस्तान्तरण गरेर कार्यक्रमको शुभारम्भ गरे । कार्यक्रममा पोखरा ८ का वडाध्यक्ष रुद्रनाथ बरालले अमूल्य रगत दान दिएर अरु कसैको जीवन बचाउने कार्य निकै महत्वपूर्ण भएको बताए ।

नेपाल रेडक्रस सोसाइटी कास्की का सभापति डोलराज पाण्डे, पोखरा महानगर पालिकाका वडा नं ८ का जानप्रतिनिधि किरण गौतम र लक्ष्मी कौशल, समाजसेवी एवं पोखरा महानगर पालिकाका वडा नं. ८ का पूर्व वडा अध्यक्ष वीरेन्द्रनारायण विजुक्च्छे लगायतले उक्त अवसरमा बोलेका थिए ।

क्लब अध्यक्ष कृष्णमान ठूसाजुको सभापतित्वमा भएको कार्यक्रम कार्यक्रम संयोजन क्लबका कोषाध्यक्ष विक्रम खिचाजु, सञ्चालन क्लबका सचिव पंकज पौडेलले गरेका थिए ।