एजेन्सी

विश्वभर महामारीका रुपमा फलिएको कोरोना भाइरसको भ्याक्सिन पत्ता लगाइको रुसले दावी गरेको छ । रुसका राष्ट्रपति भ्यादिमिर पुटिनले कोरोना भाइरसको पहिलो भ्याक्सिन रुसले बनाएको घोषणा गरेका छन् ।

अहिलेसम्म औषधी पत्ता लाग्न नसकेको अवस्थामा यो ठुलो उपलब्धी हो । त्यसैले रुसका राष्ट्रपतिले नै खोप पत्ता लागेको जानकारी सार्बजनिक गरेका हुन् ।

राष्ट्रपति पुटिनका अनुसार रुसको स्वास्थ्य मन्त्रालयले यो भ्याक्सिनलाई अनुमती दिइसकेको छ । त्यसैले यसको पहिलो डोज राष्ट्रपति पुटिनकै छोरीलाई लगाइएको छ । यसको जानकारी पनि पुटिनले नै दिएका छन् ।

उनले अब रुसले ठुलो परिणाममा भ्याक्सिन उत्पादन थाल्ने बताएका छन् । रुसमा आम मानिसका लागि आगामी बर्षको जनवरी महिनाबाटै खोप उपलब्ध गराउने प्रतिबद्धता पनि राष्ट्रपति पुटिनले व्यक्त गरेका छन् ।

अहिलेसम्म औषधी पत्ता लाग्न नसकेको यो भाइरसको विरुद्धमा खोप बनाउनका लागि अमेरिका, बेलायत, युरोपियन युनियन, चिन, भारत लगायतका देशका वैज्ञानिकहरु जुटरहेका थिए । तर यसको पहिलो उपलब्धी रुसले हात पारेको छ ।