समाधान संवाददाता

पाेखरा महानगर पालिकाकाे वडा नम्बर ८ मा २ जना र पाेखरा महानगर पालिकाकै वडा नम्बर ५ मा १ जनामा काेराेना भाइरस संक्रमण पुष्टि भएकाे छ ।

स्वास्थ्य निर्देशनालय गण्डकीले शनिबार  बिहान दिएकाे जानकारी अनुसार पोखरा – ८ का ३५ वर्षीय पुरुष र १५ वर्षीया युवतीमा काेराेना संक्रमण पुष्टी भएकाे हाे । त्यस्तै
पोखरा-५  का ३९ वर्षीय पुरुष पनि काेराेनाबाट संक्रमित पाइएका छन् ।

स्वास्थ्य निर्देशनालयका अनुसार शनिबार गणडकी प्रदेशमा यी सहित १० जना थपिएका छन् ।

तनहुँका २ जना, बागलुङका २ जना, गोरखा , स्याङजा र नवलपुरका १-१ गरि १० जनामा कोरोना भाइरस संक्रमण देखिएको छ ।

संक्रमितलाई सम्बन्धित जिल्लाको आइसोलेसनमा लैजाने तयारी भैरहेको निर्देशनालयले जनाएको छ । यस सँगै गण्डकी प्रदेशमा कोरोना संक्रमितको संख्या १ हजार ६ सय ९२ पुगेको छ ।