समाधान संवाददाता, पोखरा

पोखराका एक कोरोना संक्रमित बेपत्ता भएका छन् । पोखरा–१७ का ४० वर्षे पुरुषमा शनिबार कोरोना पुष्टि भएको थियो । उनी अहिलेसम्म सम्पर्कमा नआएको महानगरपालिका स्रोतले जानकारी दिएको छ ।

बेपत्ता भएका ती संक्रमितको स्थायी घर वीरगञ्ज हो । तर उनी कामको सिलसिलमा पोखरामा बस्ने गरेका छन् ।

‘उहाँले २ दिन पहिले आफै अस्पतालमा पुगेर स्वाब दिनुभएको थियो । आज पोजेटिभ देखियो । तर मोबाइल स्वीच आफ गर्नुभएको छ,’ स्रोतले भन्यो । संक्रमितको खोजी भइरहेको छ । उनी परिवारसँग बस्थे वा एक्लै थिए भन्ने खुल्न सकेको छैन ।

अपडेट : लेकसाइडको होटलमा भेटिए बेपत्ता संक्रमित