समाधान संवाददाता, पोखरा

बेपत्ता भएका पोखराका एक कोरोना संक्रमित सम्पर्कमा आएका छन् । उनी लेकसाइडको एक होटलमा क्वारेन्टाइनमा बसेको पाइएको हो । पोखरा–१७ का ४० वर्षे पुरुषमा शनिबार कोरोना पुष्टि भएको थियो ।

कोरोना परीक्षणका लागि पुग्दा नम्बर उल्टो टिपाएका कारण उनीसँग पोखरा महानगरपालिका र प्रहरीले सम्पर्क गर्न सकेको थिएन । ‘नम्बर उल्टो टिपाएछन् । ४६० लेख्नुपर्नेमा ४४० भएछ । पछि नम्बर ट्रेस गर्दा होटलमा बसेको पाइयो,’ खोजीमा खटिएको टोलिका एक सदस्यले भने ।

ती संक्रमितको स्थायी घर वीरगञ्ज हो । उनी कामको सिलसिलमा पोखरामा बस्ने गरेका छन् ।