समाधान संवाददाता

पोखराकी पत्रकार एवं कानुन व्यवसायी दुर्गा भण्डारी प्रेस काउन्सिल नेपालको सदस्यमा नियुक्त भएकी छन् ।

सञ्चार तथा सूचना प्रविधि मन्त्री युवराज खतिवडाले मन्त्रीस्तरीय निर्णय गर्दै भण्डारीलाई प्रेस काउन्सिल नेपालको सदस्यमा नियुक्त गरेका हुन् । मन्त्रालय स्रोतले दिएकाे जानकारी अनुसार काउन्सिलकाे सदस्यमा भण्डारी सहित अर्का पत्रकार दिपक पाण्डे पनि नियुक्त भएका छन् ।

पोखरामा लामो समय पत्रकारिता र पछिल्लो समय कानुन व्यवसायीका रुपमा स्थापित भण्डारी यो क्षेत्रबाट काउन्सिलमा प्रतिनिधित्व गर्ने पहिलो महिला हुन् ।

नेपाल पत्रकार महासंघको केन्द्रिय सदस्य र प्रेस चौतारी नेपालको केन्द्रीय कमिटीको सचिव समेत भइसकेकी भण्डारीले विभिन्न पत्रपत्रिकामा आर्टिकल लेख्दै आएकी छन् ।