समाधान संवाददाता, स्याङ्जा

उपचार गराउन आएका कैदीमा कोरोना पुष्टि भएपछि जिल्ला अस्पताल स्याङ्जा एक हप्तालाई सिल गरिएको छ ।

श्वासप्रश्वासमा समस्या भएपछि उपचार गराउन आएका ६० वर्षे कैदीमा कोरोना पोजेटिभ देखिएकाले सबै सेवा बन्द गरिएको अस्पतालका मेडिकल सुपरिटेन्डेन्ट डा. सुशील मरासिनीले जानकारी दिए ।

अस्पतालका सबैको कन्ट्याक ट्रेसिङ र अस्पताल निर्मलीकरण गर्नुपर्ने भएकाले जिल्ला सिसिएमसीले सिल गर्ने निर्णय गरेको उनले बताए ।

स्वास्थ्यमा समस्या देखिएपछि ती कैदी गत शनिबार अस्पतालमा भर्ना भएका थिए ।

‘पहिल्यै शंका लागेको थियो तर कारागारमा कोही नजाने, जोखिम कम हुने भनेर उपचार ग¥र्यौं,’ मेसु डा. मरासिनीले भने, ‘पछि स्वाब पठाउँदा पोजेटिभ देखियो । अहिले अरु २/३ जना बिरामीलाई छुट्टै कोठामा राखेका छौं ।’

उपचार गर्नै पर्ने बिरामी आए पिपिइ लगाएरै भए पनि उपचार गरिने उनले जानकारी दिए ।

स्याङ्जामा कोरोना संक्रमितको संख्या ३ सय ४ पुगेका छ । तीमध्ये २७२ जना निको भएर घर फिर्ता भएका छन् भने २ संक्रमितको मृत्यु भएको छ ।