समाधान संवाददाता, पोखरा

पोखरामा उपचाररत स्याङ्जाका २ आर्मीमा कोरोना पुष्टि भएको छ । स्याङ्जामा कार्यरत उनीहरु अहिले पोखराको रानीपौवास्थित आर्मी हस्पिटलमा उपचाररत छन् ।

‘दुवै संक्रमित स्याङ्जामा कार्यरत हुनुहुन्छ । संक्रमितको सम्पर्कमा आएपछि उहाँहरुले पोखरा आएर आर्मी हस्पिटलमा बस्नुभएको छ । स्वाब परीक्षणलाई पठाउँदा पोजेटिभ देखियो,’ पोखरा महानगरपालिका स्रोतले भन्यो ।

स्याङ्जामा सोमबार साँझ कारागारका कैदीमा कोरोना पुष्टि भएको थियो । दुवै संक्रमित कारागारको सुरक्षार्थ खटिएकाहरु रहेको स्याङ्जाका सिडिओ गंगाबहादुर क्षेत्रीले जानकारी दिए ।