समाधान संवाददाता, पोखरा

पोखरामा १६ जना प्रहरीमा कोरोना भाइरस संक्रमण देखिएको छ । मालेपाटनस्थित कृषि तालिम केन्द्रको क्वारेन्टाइनमा बसेका प्रहरीमा कोरोना देखिएको हो ।

संक्रमित सबै प्रहरी स्याङ्जाबाट ५ दिन पहिले पोखरा फर्किएका हुन् । ‘यहाँ प्रहरीलाई कोरोना देखिएर जिप्रका सिल भएपछि कास्कीबाट पटकपटक गरेर २५ जना प्रहरी सुरक्षाका लागि आउनुभएको थियो । यहाँबाट फर्किएपछि क्वारेन्टाइनमा बस्नुभएको हो,’ स्याङ्जाका सिडिओ गंगाबहादुर क्षेत्रीले भने ।

बुधबार साँझ नै बागलुङमा ८ जनामा कोरोना पुष्टि भएको छ । योसहित गण्डकीमा कोरोना संक्रमितको संख्या १८ सय १२ पुगेको छ । तीमध्ये १५ सय ६९ संक्रमित निको भएका छन् भने ७ जनाको मृत्यु भएको छ ।