समाधान संवाददाता

काेराेना भाइरसबाट सबैभन्दा बढि प्रभावित भएकाे पर्साकाे विरगञ्जमा कोरोना संक्रमणबाट थप दुई जनाको मृत्यु भएको छ।

संक्रमणपछि उपचारका लागि अस्पताल भर्ना भएका मध्ये एक जनाकाे शुक्रबार राति र अर्काकाे शनिबार बिहान मृत्यु भएकाे हाे ।

शनिबार बिहान मृत्यु हुनेमा बहुदरमाई नगरपालिका-४ का ६१ वर्षीय पुरुष छन्। उनी भदौ ४ गते कोभिड अस्पताल भर्ना भएका थिए। दम, प्रेसरका बिरामी उनको उपचारको क्रममा बिहान ७ बजे मृत्यु भएकाे थियाे ।

त्यस्तै शुक्रबार राति ८ बजे वीरगन्ज-२६ का ८८ वर्षीय बृद्धको उपचारका क्रममा मृत्यु भएको छ। उनी शुक्रबार नै अस्पताल भर्ना भएका थिए। मिर्गौलाका बिरामी उनकाे डायलासिस गर्दा गर्दै मृत्यु भएकाे थियाे ।