समाधान संवाददाता

नेपालमा काेराेना भाइरसकाे संक्रमणबाट ६ वर्षीया बालिकाकाे मृत्यु भएकाे छ । यी बालिका काेराेनाका कारण ज्यान गुमाउने सबैभन्दा कम उमेरकी हुन् ।

स्वास्थ्य तथा जनसंख्या मन्त्रालयका प्रवक्ता डा जागेश्वर गाैतमले बताए अनुसार सुनसरी जिल्लामा ६ वर्षीया बालिकाे ज्यान गएकाे हाे । साेही जिल्लामा ६७ वर्षीय पुरुषकाे पनि आजै मृत्यु भएकाे छ ।

गाैतमका अनुसार पछिल्लाे २४ घण्टामा देशभरमा काेराेनाका कारण ९ जनाकाे ज्यान गएकाे छ । पर्सामा ६१, ५८ र ४८ वर्षका ३ जना पुरुष, बारामा ५८ वर्षीय पुरुष, सिरहामा ६८ वर्षीय पुरुष, मकवानपुरमा ५६ वर्षीय पुरुष र भक्तपुरमा ७३ वर्षीय पुरुषको कोरोना भाइरसको संक्रमणबाट मृत्यु भएको छ।

यससँगै नेपालमा कोरोनाबाट ज्यान गुमाउनेको संख्या १४६ पुगेका छ।