पाेखरामा थप ७ र तनहुँमा ६ जना नयाँ संक्रमित
समाधान संवाददाता
२०७७ भदौ ९ गते ९:१८
समाधान संवाददाता
पाेखरा महानगरपालिका थप ७ जनामा काेराेना भाइरस पुष्टि भएकाे छ ।
गण्डकी प्रदेश स्वास्थ्य निर्देशनालयले मंगलबार दाेश्राे पटक विज्ञप्ति जारी गरेर पाेखरामा ७ सहित गण्डकी प्रदेशमा १३ जना नयाँ संक्रमित थपिएकाे जानकारी दिएकाे छ । विहानै पाेखरामा ४ जना संक्रमित थपिएकाे जानकारी दिएकाे थियाे ।
याे सहित पाेखरामा मंगलबार विहान मात्रै ११ जना संक्रमित थपिएका छन् भने गण्डकीमा १७ जना थपिएका छन् ।
निर्देशनालयले दिएकाे जानकारी अनुसार तनहुँ भानुमा ६ जनाका काेराेना भाइरस संक्रमण पुष्टि भएकाे छ ।
पाेखरा महानगरकाे वडा नम्बर ४ मा २ जना, ५ मा २ जना, ७ मा १ जना, १० मा १ जना र १४ मा १ जना नयाँ संक्रमित थपिएका हुन् ।
विहान थपिएका ४ जना मध्ये एक जना पत्रकार छन् ।
सम्बन्धित
तपाईको प्रतिक्रिया