समाधान संवाददाता, पोखरा

पोखरामा थप एक कोरोना संक्रमितको मृत्यु भएको छ । पश्चिमाञ्चल क्षेत्रीय अस्पतालको कोभिड उपचार केन्द्रमा उपचाररत ३२ वर्षे युवतीको बिहीबार बिहान मृत्यु भएको हो ।

पोखरा ११ बस्ने उनी ७ भदौमा अस्पतालल भर्ना भएको अस्पतालका निर्देशक डा अर्जुन आचार्यले जानकारी दिए ।

योसहित पोखराम कोरोनाबाट मृत्यु हुनेको संख्या ३ पुगेको छ । यसअघि पोखरा १६ का ८७ वर्षे वृद्ध र पोखरा १९ का ६२ वर्षे पुरुषको मृत्यु भएको थियो ।

पाेखरा स्वास्थ्य विज्ञान प्रतिष्ठानका निर्देशक अर्जुन आचार्यले विज्ञप्ती जारी गर्दै विहीबार विहान ती महिलाकाे मृत्यु भएकाे जानकारी दिएका छन् ।

उनले अहिलेसम्म पाेखराकाे अस्पतालमा उपचारका क्रममा ५ जनाकाे ज्यान गएकाे जानकारी दिएका छन् । पाेखराका ३ सहित स्याङ्जाका १ र तनहुँका १ जनाकाे पाेखराका उपचारका क्रममा मृत्यु भएकाे हाे ।