अमेरिकामा अश्वेत माथिकाे अत्याचारकाे विराेध गर्दै खेल बहिस्कार

समाधान संवाददाता २०७७ भदौ १२ गते ८:३२

एजेन्सी

जापानी टेनिस स्टार एवं ग्राण्ड स्लाम विजेता नाओमी ओसाकाले विस्कनसिनका अश्वेत युवा ज्याकोब ब्लेकमाथि प्रहरीले गोली प्रहार गरेको घटनाको विरोधमा अमेरिकाकाे न्यूयोर्कमा हुने प्रमुख टेनिस प्रतियोगितामा सहभागिता नजनाउने भएकी छन् ।

ओसाकाले ट्वीट गरेर प्रतियोगितामा सहभागिता नजनाउने घोषणा गरेकी हुन्। उनले लेखेकी छन्, ‘एक अश्वेत महिलाका रुपमा मलाई लाग्छ कि तत्काल सम्बोधन गर्नु पर्ने धेरै कुराहरु छन् कि मैले खेलेको हेर्नु भन्दा।’

एटिपी प्रतिस्पर्धा शुक्रबारका लागि स्थगित भएका छन् । न्यूयोर्कमा हाल डब्लुटूए वेस्टर्न एण्ड साउथर्न ओपन टेनिस जारी छ।

२९ वर्षका ब्लेकमाथि गएको आइतबार प्रहरीले गोली प्रहार गरेको थियो। गोली लागेर गम्भीर घाइते भएका उनको उपचार भइरहेको छ। ब्लेकमाथि गोली प्रहार भएपछि रंगभेद र प्रहरी ज्यादतीविरुद्ध प्रदर्शन भइरहेको छ।

तपाईको प्रतिक्रिया