समाधान संवाददाता, स्याङ्जा

स्याङ्जामा एम्बुलेन्स दुर्घटना हुँदा २ जनाको ज्यान गएको छ । आइतबार बिहान वालिङबाट चापाकोट जाँदै गरेको बा २ झ ४०११ नम्बरको एम्बुलेन्स दुर्घटना हुँदा २ पुरुषको मृत्यु भएको हो ।

मृत्यु हुनेमा चापाकोट नगरपालिका ९ का ३५ वर्षीय भानुभक्त गैह्रे र चापाकोट १० का २५ वर्षका श्याम पंगेनी छन् । दुर्घटनामा चापाकोट नगरपालिका वडा नं ९ का ३१ वर्षीय एम्बुलेन्स चालक सुरेन्द्र भण्डारी, २८ वर्षीय पवित्रा पोखरेल घाइते भएको जिल्ला प्रहरी कार्यालय स्याङ्जाका प्रवक्ता एवं डिएसपी राजेन्द्र प्रसाद अधिकारीले जानकारी दिए ।

एम्बुलेन्स वालिङ नगरपालिका वडा नम्बर ५ मजकोटमा दुर्घटना भएको हो । घाइते दुवैलाई प्राथामिक स्वास्थ्य केन्द्र वालिङमा उपचार पश्चात थप उपचारको मनिपाल शिक्षण अस्पताल लगिएको डिएसपी अधिकारीले बताए ।

एम्बुलेन्सले काठमाडौंमा बिरामी छोडेर फर्केको र सडकबाट अन्दाजी २५० मिटर तल खसेको उनले बताए । दुर्घटनाको कारण खुल्न सकेको छैन ।