समाधान संवाददाता, पोखरा

गण्डकीमा कोरोनाबाट मृत्यु हुनेको संख्या १४ पुगेको छ । गोरखा आरुघाट निवासी ६५ वर्षीया महिलाको मृत्यु भएसँगै मृतकको संख्या १४ पुगेको हो ।

उपचारका लागि काठमाडौं पुगेकी उनको छाउनीस्थित वीरेन्द्र अस्पतालमा मृत्यु भएको हो । १३ भदौमा कोरोना पुष्टि भएकोमा उनको साेही राति ११ बजे मृत्यु भएको हो ।

मृतक महिला थाइरोइड र मुटुरोगकी दीर्घरोगी रहेको प्रदेश स्वास्थ्य निर्देशक विनोदविन्दु शर्माले जानकारी दिए । स्वास्थ्यमा समस्या भएपछि ती महिला ४ भदौमा अस्पताल भर्ना भएकी थिइन् ।

कास्कीका ४, गोरखाका ३, स्याङ्जा र लमजुङ २/२, तनहुँ, म्याग्दी र बागलुङका १/१ संक्रमितको मृत्यु भएको छ ।