तनहुँकी २० वर्षीया युवतीको कोरोनाबाट मृत्यु, गण्डकीमा मृतक १५ पुगे

समाधान संवाददाता २०७७ भदौ १७ गते १७:३०

समाधान संवाददाता, पोखरा

गण्डकी प्रदेशमा कोरोनाबाट मृत्यु हुनेको संख्या १५ पुगेको छ । तनहुँको व्यास नगरपालिका २ की २० वर्षीया युवतीको मृत्यु भएसँगै प्रदेशमा कोरोनाबाट मृत्यु हुनेको संख्या १५ पुगेको हो ।

उनको त्रिवि शिक्षण अस्पतालमा उपचारको क्रममा मृत्यु भएको प्रदेश स्वास्थ्य निर्देशक डा. विनोदविन्दु शर्माले जानकारी दिए । मृगौलामा समस्या भई डायालाइसिस गराउन ललितपुरको अल्का अस्पताल पुगेकी उनमा मंगलबार कोरोना पुष्टि भएको थियो । कास्कीका ४, गोरखाका ३, स्याङ्जा, तनहुँ र लमजुङ २/२, म्याग्दी र बागलुङका १/१ संक्रमितको मृत्यु भएको छ।

गण्डकीमा कोरोना संक्रमितको संख्या २२ सय ६४ पुगेको छ । तीमध्ये १७ सय १२ संक्रमित निको भएका छन्।

तपाईको प्रतिक्रिया