कास्कीमा पर्सिदेखि सार्वजनिक सवारी चल्ने

समाधान संवाददाता २०७७ भदौ २६ गते १९:५६
फाइट तस्बिर

समाधान संवाददाता, पोखरा

कास्कीमा आइतबारदेखि सार्वजनिक सवारी साधन चल्ने भएका छन् । शुक्रबार बसेको जिल्ला संकट व्यवस्थापन केन्द्रको बैठकले आवश्यक सुरक्षा सतर्कता अपनाएर सार्वजनिक सवारी चलाउन दिने निर्णय गरेको हो ।

पछिल्लोपटक २० भदौदेखि जारी गरिएको सर्तसहितको निषेधाज्ञाको अवधि शनिबार रातिसम्मलाई थियो ।

कोरोना संक्रमित बढ्न थालेपछि कास्कीमा ३ भदौदेखि निषेधाज्ञा जारी गरिएको थियो । ७ भदौपछि प्रशासनले निषेधाज्ञा सर्तसहित खुकुलो बनाइँदै आएको छ । १२ भदौसम्म निषेधाज्ञा कडा भए पनि त्यसयता कास्कीमा कडाइ भएको थिएन । प्रशासनले निषेधाज्ञा भनेर समय थपे पनि त्यसको प्रभावकारिता देखिएको छैन ।

कास्कीमा जोरबिजोर प्रणाली लागु गरिएको भनिए पनि त्यो कार्यान्वयन हुन सकेको छैन । निर्णयमा सीमित जोरबिजोर प्रणाली पनि प्रशासनले हटाएको छ । अब निजी सवारी साधन बिहान ६ बजेदेखि राति ८ बजेसम्म चलाउने पाइने भएको छ ।

शैक्षिक संस्था, जिम, रंगशाला, ब्युटी पार्लल, सैलुन, मेला महोत्सव र अन्य भीडभाड हुने क्रियाकलाप सञ्चालन गर्न पाइने छैन । सहकारी, बैंक तथा वित्तीय संस्था र सरकारी कार्यालयले सामाजिक दुरी कायम गरेर सेवा प्रवाह गर्न सक्ने छन् ।

तपाईको प्रतिक्रिया