पत्रकार पाैडेल सहारा खेलकुद पत्रकारिता पुरस्कारबाट सम्मानित

समाधान संवाददाता २०७७ भदौ ३० गते १३:३२

समाधान संवाददाता

यस वर्षकाे सहारा खेलकूद पत्रकारिता पुरस्कार बाट कान्तिपुर टेलिभिजनका पाेखरा सम्वाददाता इन्द्र पौडेल सम्मानित भएका छन ।

पाेखराकाे सहारा क्लबकाे २२औं वार्षिकोत्सवका अवसरमा आयाेजित एक समाराेहकाबीच साे पुरस्कारबाट पौडेललाई सम्मान गरिएकाे हाे ।

नेपाल पत्रकार महासंघ गण्डकी प्रदेशका सचिव समेत रहेका पत्रकार पाैडेल १७ वर्षदेखि पत्रकारितामा सकृय छन् ।

गण्डकी प्रदेश आर्थिक मामिला तथा योजना मन्त्री किरण गुरुङले मंगलबार उनलाई सम्मान गरेका हुन् । नगद २० हजार ५ सय रुपैयाँ राशीकाे साे पुरस्कार सहित ताम्रपत्र तथा दोसल्लाले सम्मान गरिएकाे हाे ।

क्लबले प्रत्येक वर्ष पत्रकारिताको माध्यमबाट खेलकूदको विकासमा योगदान पु¥याउने र विशेषगरी खेलकूद बिटलाई प्राथमिकता दिएर समाचार सम्प्रेषण गर्ने पत्रकारलाई पुरस्कार प्रदान गर्दै आएको छ ।

क्लबका सल्लाहकार नारायण कार्कीको संयोजकत्वमा गठित प्रतिभा छनोट समितिले पौडेललाई यस वर्ष सम्मान गर्ने निर्णय गरेकाे थियाे । सो पुरस्कारबाट हालसम्म पाेखराका १४ जना पत्रकार सम्मानित भइसकेका छन् ।

सोही अवसरमा क्लवका सदस्य प्रकाश राना मगरलाई क्लवको उत्कृष्ट सदस्यको रुपमा सम्मानित गरिएकाे थियाे ।

सम्मानपछि बाेल्दै मन्त्री गुरुङले फुटबलकाे विकासमा सहारा क्बलले खेलेकाे भूमिकाकाे प्रशंसा गरेका थिए । उनले खेलकुदले पाेखराकाे पर्यटन क्षेत्रमा सहयाेग पुर्याउछ भन्दै यसकाे विकासका लागि प्रदेश सरकारले सहकार्य गर्न तयार रहेकाे बताए ।

कार्यक्रममा वोल्दै राष्ट्रिय खेलकुद परिषदका सदस्य सम्पन्न श्रेष्ठले सहाराले यस क्षेत्रमा खेलकुदकाे विकासमा याेगदान पुर्याएकाे स्मरण गर्दै आगामी दिनमा खेलाडी उत्पादनमा जाेड दिन आग्रह गरे ।

क्लबका संस्थापक अध्यक्ष वसन्त थकालीले सरकारले खेल क्षेत्रका लागि लगानी बढाउनु पर्ने बताए । सम्मानित पत्रकार इन्द्र पौडेलले पुरस्कारले आफुलाई पत्रकारिताकाे क्षेत्रमा थप उर्जा प्रदान गरेकाे बताए ।

तपाईको प्रतिक्रिया