समाधान संवाददाता, पोखरा ।

बुधबार कीर्तिमानी आरोही आङरिता शेर्पाको अन्त्येष्टि गरिएको छ । सोमबार आफ्नै निवास काठमाडौँको जोरपाटीमा निधन भएका र्शेपाको आज राष्ट्रिय सम्मानका साथ अन्त्येष्टि गरिएको हो ।

सोलुखुम्बुको थामेमा जन्मिएका ७२ वर्षीय ‘हिमचितुवा’ को पार्थिव शरीर शेर्पा गुम्बामा राखिएको थियो ।

शेर्पालाई राष्ट्रिय सम्मानका साथ अन्त्येष्टि गर्ने निणर्य मन्त्रिपरिषद्काे मंगलबारको बैठकले गरेको थियाे। निणर्य बमोझिम संस्कृति पर्यटन तथा नागरिक उडड्यनमन्त्री योगेश भट्टराईले शेर्पा गुम्बामा शेर्पाको शरीरमा राष्ट्रिय झण्डा ओढाएर सम्मान गरे ।

उनले सन् १९८३ देखि सगरमाथाको आरोहण शुरु गरेका थिए । सन् १९९६ मा विना अक्सिजन सगरमाथामा पाइला टेकेका शेर्पाको त्यो अन्तिम आरोहण थियाे ।

सर्वोच्च शिखर सगरमाथा मात्रै नभई विनाअक्सजिन नै माउन्ट केटु तथा नेपालका चोयु, मनास्लु, ल्होत्से, अन्नपूर्ण, धौलागरि लगायत दर्जनौँ हिमालको उनले आरोहण गरेका थिए।