पौडेल नेतृत्वमा एम्बुलेन्स चालक

समाधान संवाददाता २०७७ असोज १२ गते ९:२४

समाधान संवाददाता

संयुक्त एम्बुलेन्स चालक संघ कास्कीको अध्यक्षमा होमनाथ पौडेल चयन भएका छन् ।

संघ कास्कीको शनिबार पोखरामा सम्पन्न दोस्रो अधिबेशनले पौडेलको अध्यक्षतामा नयाँ कार्यसमिति सर्वसम्मत चयन गरेको हो ।

संघको उपाध्यक्ष अम्जद मियाँ, सचिवमा कुशल कुँवर र कोषाध्यक्षमा चित्रबहादुर थापा चयन भएका छन् । सदस्यमा बुद्धि पन्त, शिवकुमार श्रेष्ठ र कुलबहादुर गुरुङ चयन भए ।

केन्द्रीय प्रतिनिधिमा कास्कीबाट रामचन्द्र पहारीलाई छनोट गरिएको छ भने भेलाले केन्द्रीय सचिवालय सदस्यमा डिल्लीराम पौडेललाई मनोनीत गर्न केन्द्रीय अध्यक्षलाई आग्रह गर्ने निर्णय समेत गरेको नवनिर्वाचित अध्यक्ष पौडेलले जानकारी दिए ।

कार्यक्रममा केन्द्रीय महासचिव मुक्ति काफ्लेले अब देश भरिका एम्बुलेन्स चालक एक भएर आफ्नो हक र अधिकारका लागि लड्नुपर्ने बेला आएको भन्दै सबैलाई संगठित हुन आग्रह गरे ।

रामचन्द्र पहारीको अध्यक्षतामा भएको कार्यक्रम सञ्चालन डिल्लीराम पौडेलले गरेका थिए । कार्यक्रममा होमनाथ पौडेलले स्वागत गरेका थिए ।

तपाईको प्रतिक्रिया