एमआई एन्ड्रोइड टिभी पोखरामा

समाधान संवाददाता २०७७ असोज १५ गते १७:२९

समाधान सम्वाददाता, पोखरा ।

साओमीको एमआइको उत्पादन आकर्षक एन्ड्रोइड स्मार्ट टेलिभिजन सेटको पोखरामा बिक्री वितरण सुरु भएको छ ।

साओमी एमआइ एन्ड्रोइडको पोखरा महेन्द्रपुलस्थित माेबाइल टावरमा रहेकाे अधिकृत विक्रेता यन्त्र इन्टरनेशनल ट्रेड कन्सर्नले बुधबार गण्डकी प्रदेशभर बिक्री गर्ने गरी लन्चिङ गरेकाे हाे । बुधबारबाटै सो टिभीको बिक्री भैरहेको सञ्चालक मनोहर श्रेष्ठले जानकारी दिएका छन् । श्रेष्ठका अनुसार हाललाई ४३ इन्चका टेलिभिजन सेट उपलब्ध छन् ।

मोवाइलको स्थापित ब्राण्ड साओमी एमआइले एन्ड्रोइड अपरेटिभ सिस्टमबाटै चल्ने टेलिभिजन सेट बजारमा ल्याएको हो । यो टेभी सेटको रिमोटले आवाज चिन्न सक्छ र आवाज दिएकै भरमा इन्टरनेटमा दर्शकले हेर्न चाहेको सामाग्री खोजी गर्दछ ।

यो सेटमा सबै किसमका इनपुट पोर्टहरु समावेश छन् । आधुनिक र ग्राहकको चाहना बमोजिमको टेलिभिजन सेट भए पनि यसको मूल्य धेरै नभएको साउण्ड एण्ड भिजनका मनोहर श्रेष्ठले बताए । उनका अनुसार ४३ इन्चको सेटको मूल्य ३९ हजार ९ सय ९९ रुपैया छ । यसै हप्ता ५५ इन्च सिरिजका सेट पनि उपलब्ध हुने उनले जानकारी दिए ।

यी टिभीका सेटहरु पाेखराका अधिकांश इलेक्ट्राेनिक पसलहरुका अतिरिक्त महेन्द्रपुलकाे पाेखरा माेबाइल टावर सहित गण्डकी प्रदेशका सबै जिल्लाहरुमा उपलब्ध छ ।

तपाईको प्रतिक्रिया