पर्यटनको विकासले समृद्धि सम्भव

समाधान संवाददाता २०७७ असोज २१ गते ०:१८

समाधान संवाददाता, पोखरा

गण्डकी प्रदेशका उद्योग, पर्यटन, वन तथा वातावरणमन्त्री विकास लम्सालले पर्यटनको विकासले आर्थिक समृद्धि सम्भव भएको बताएका छन ।

भीरकोट नगरपालिका ४ सिसौघारी फोहोरमैला व्यवस्थापन केन्द्रको प्रशासकीय भवनको शिलन्यास गर्दै मन्त्री लम्सालले पर्यटनका माध्यमबाट समृद्वि र विकास सम्भव भएको दावी गरे ।

‘गण्डकी प्रदेशले पर्यटन प्रर्बद्वनको लागि योजनाबद्व ढंगले काम गरेको छ,’मन्त्री लम्सालले भने, ‘सरसफाई, पूर्वाधारको विकास पर्यटन प्रर्बद्वनको मुख्य आधार हो ।’

उनले पर्यटनको विकासको लागि लगानी बढाउन नगरपालिकालाई सुझाव दिए ।

धार्मिक तथा ऐतिहासिक महत्व बोकेकोे स्याङजाको पर्यटनको विकासले समग्र जिल्लाकोबासी जिवनस्तर परिर्वतन हुने मन्त्री लम्सालको भनाई थियो ।

गण्डकी प्रदेशसभाका सदस्य दिपक चर्तीमगरले पर्यटन विकासका लागि सरसफाई महत्वपुर्ण पक्ष भएको बताए ।

मन्त्री लम्सालको टोलीले भीरकोटको गडहरे गुफा र स्वरेक मैदानको समेत अवलोकन समेत गरेको थियो ।

तपाईको प्रतिक्रिया