रसिद खानका सामुन्ने निरीह पञ्जाव

समाधान संवाददाता २०७७ असोज २३ गते ६:४८

एजेन्सी

दुवईमा जारी यस सिजनकाे आइपिएल २० ट्वान्टी क्रिकेट प्रतियाेगितमा किङ इलेवेन पञ्जाव निरीह अवस्थामा छ । उसले खेलेका ६ मध्ये ५ खेल हारेकाे छ र अंक तालिकाकाे पुच्छारमा छ । विहीबार राती भएकाे खेलमा झन लज्जाजनक हार बेहाेर्‍याे ।

सनराइजर्स हौदरावादसंगकाे खेलमा किंग्स-११ पञ्जाव सहजरुपमा पराजित भयाे। साे खेलमा हैदरावादले ६९ रनको जित निकालेको हो। 

टस जितेर पहिले ब्याटिङ गरेको हैदरावादले २० ओभरमा ६ विकेटको क्षतिमा २०१ रन जोड्यो। उसका लागि ओपनिङ ब्याट्सम्यान जोनी वायस्टोले ९७ रन जोडे। शतक बनाउन तीन रनले चुकेका उनले ५५ बलमा ७ चौका र ६ छक्का हिर्काए। 

ओपनर तथा कप्तान डेभिड वार्नरले ५२ रन जोडे भने केन विलियमसनले नटआउट २० रनको योगदान दिए। 

वार्नर र वायस्टोबीच पहिलो विकेटका लागि १५.१ ओभरमा १६० रनको विशाल साझेदारी भएको थियो। 

बलिङमा पञ्जावका रवी बिस्नोइले ३ विकेट लिए भने अर्शदीप सिंहले २ विकेट हात पारे। 

२०२ रनको विशाल लक्ष्य पछ्याएको पञ्जाव १६.५ ‌ओभरमा १३२ रनमै अलआउट भयो।

पञ्जावका लागि निकोशाल पूरानले ७७ रन जोडे। उनले ३७ बलमा ५ चौका र ७ छक्का हिर्काए। पञ्जावका अन्य ब्याट्सम्यान भने सस्तैमा आउट भए। 

पञ्जावको इनिङ ध्वस्त पार्ने क्रममा हैदरावादका रासिद खानले घातक बलिङ गरे। उनले ३ विकेट हात पार्दा केवल १२ रन खर्चिए। ४ ओभरमा एक मेडन फ्याँकेका खानले चौका र छक्का दिएनन्।

खलिल अहमेद र टी नटराजनले पनि २-२ विकेट लिन सफल भए। 

जितसँगै हैदरावाद ६ खेलबाट ६ अंक जोड्दै तेस्रो स्थानमा उक्लिएको छ। अंक तालिकाको पुछारमा रहेको पञ्जावले अहिलेसम्म ५ खेलमा हार बोहोर्दा एक खेलमा मात्र जित निकालेको छ।

आइपिएलमा आज राजस्थान रोयल्स र दिल्ली क्यापिटल्सबीच खेल हुनेछ।

तपाईको प्रतिक्रिया