समाधान संवाददाता, पोखरा

गण्डकी प्रदेशमा थप ३ कोरोना संक्रमितको मृत्यु पुष्टि भएको छ । प्रदेश स्वास्थ्य निर्देशनालयले तनहुँको भीमाद नगरपालिकाका ३ जनाको मृत्यु पुष्टि गरेको हो ।

तीनै संक्रमितको जिल्लाबाहिर मृत्यु भएको र ढिला गरी विवरण प्राप्त भएकाले निर्देशनालयले आज मृत्यु पुष्टि गरेको छ ।

मृत्यु हुनेमा भीमाद ६ का ९८ वर्षे, ७५ वर्षे र ७२ वर्षे पुरुष छन् । ९८ वर्षे पुरुषको काठमाडौंको मेडिसिटी अस्पतालमा २५ असोजमा, ७५ वर्षेको बिएन्डबी अस्पताल काठमाडौंमा २४ असोजमा र ७२ वर्षे पुरुषको चितवन मेडिकल कलेजमा १९ असोजमा मृत्यु भएको हो ।

योसहित गण्डकी प्रदेशमा कोरोना संक्रमणबाट मृत्यु हुनेको संख्या ४५ पुगेको छ । मृत्यु हुनेमा कास्कीका १२, नवलपुरका ९, तनहुँका ८, गोरखाका ७, स्याङ्जाका ५, लमजुङका २, बागलुङ र म्याग्दीका १/१ जना छन् ।