समाधान संवाददाता, पोखरा

कास्कीमा थप १० जनामा कोरोना संक्रमण पुष्टि भएको छ ।

स्वास्थ्य निर्देशनालय गण्डकीले सार्वजनिक गरेको विज्ञप्ति अनुसार चरक अस्पतालकी एक कर्मचारीसँगै १० जनामा कोरोना देखिएको हो ।

क्षयरोग उपचार केन्द्रमा गरिएको परिक्षणमा गण्डकी मेडिकल कलेजमा उपचाररत ५ जना र चरकमा उपचाररत ४ जना सँगै १ कर्मचारीमा कोरोना पुष्टि भएको हो ।

कोरोना पुष्टि हुनेमा चरक अस्पतालकी २४ वर्षीया कर्मचारी छन् ।

साथै बाग्लुङमा १ जनामा कोरोना पुष्टि भएको छ । संक्रमण पुष्टि हुनेमा बाग्लुङ नगरपालिका २ का २३ वर्षीय पुरुष छन् । उनी नेपाल आर्मीमा कार्यरत छन् ।

गण्डकीमा कुल संक्रमितको संख्या ५ हजार १ सय ८७ पुगेको छ ।