समाधान संवाददाता, पोखरा

गण्डकी प्रदेशमा थप १ कोरोना संक्रमितको मृत्यु भएको छ । तनहुँको व्यास नगरपालिका १ का ६८ वर्षीया संक्रमित महिलाको गण्डकी मेडिकल कलेज पोखरामा बुधबार साँझ मृत्यु भएको हो ।

मृतकमा कुनै रोग भए/नभएकोबारे प्रदेश स्वास्थ्य निर्देशनालयले खुलाएको छैन । योसँगै गण्डकी प्रदेशमा कोरोना संक्रमणबाट मृत्यु हुनेको संख्या ५८ पुगेको छ ।

मृत्यु हुनेमा कास्कीका १७, नवलपुरका ११, तनहुँका १०, गोरखाका ७, स्याङ्जाका ५, लमजुङ र बागलुङका ३ र म्याग्दीका २ जना छन् ।