सुनको मूल्य आज ३४ सय घट्यो

समाधान संवाददाता २०७७ कार्तिक २५ गते १२:४९

काठमाडौं

नेपाली बजारमा मंगलबार सुनको मूल्य ह्वात्तै घटेको छ । नेपाल सुनचाँदी व्यवसायी महासंघका अनुसार सुन तोलामा सोमबारको तुलनामा ३४ सय रुपैयाँ घटेको हो ।

सोमबार छापावाल सुन तोलामा ९८ हजार २०० रुपैयाँमा कारोबार भएको थियो भने मंगलबार घटेर तोलामा ९४ हजार ८०० रुपैयाँमा कारोबार भइरहेको महासंघले जनाएको छ ।

यस्तै तेजावी सुन ९४ हजार ३०० रुपैयाँमा कारोबार भएको छ ।

मंगलबार चाँदी तोलामा १२ सय १५ रुपैयाँमा कारोबार भइरहेको छ । सोमबार चाँदीको मूल्य १२ सय ८५ रुपैयाँ थियो ।

तपाईको प्रतिक्रिया