समाधान संवाददाता, पोखरा

गण्डकी प्रदेशमा शुक्रबार १ सय ३९ जना कोरोना संक्रमित थपिएका छन् । प्रदेशका ७ जिल्लामा १ सय ३९ संक्रमित थपिएको प्रदेश स्वास्थ्य निर्देशनालय गण्डकीले जनाएको छ ।

थपिनेमध्ये कास्कीका १ सय संक्रमित छन् । तनहुँमा १३ जना संक्रमित थपिँदा लमजुङमा ८, नवलपरासीमा ६, स्याङ्जा, गोरखा र पर्वतमा ४÷४ संक्रमित थपिएका छन् ।

गण्डकीमा कुल कोरोना संक्रमितको संख्या १० हजार ८ सय २७ पुगेको छ । तीमध्ये ५ हजार ६ सय ७४ जना निको भएका छन् भने १ सय ३९ को मृत्यु भएको छ ।

शुक्रबारमात्रै कास्कीका ६ र तनहुुँका २ गरेर ८ संक्रमितको मृत्यु भएको छ । प्रदेशमा कोरोनाबाट मृत्यु हुनेमा कास्कीका ७१, नवलपुरका १९, तनहुँका १७, स्याङ्जाका ११, गोरखाका र बागलुङका ८/८, म्याग्दी र लमजुङका २ र पर्वतका १ जना छन् ।