सर्वेश्वर सहकारीको रक्तदान

समाधान संवाददाता २०७७ मंसिर ११ गते ११:०९

समाधान संवाददाता, पोखरा

सर्वेश्वर सहकारी संस्थाले बुधबार गरेको कार्यक्रममा ३२ युनिट रगत संकलन भएको छ ।

पोखरा महानगरपालि की वडा सदस्य सरस्वती नेपालीले पहिलो रक्तदाता सेयर सदस्य कृष्णबहादुर बल्छौडीलाई ब्लड ब्याग हस्तान्तरण गरेर कार्यक्रम उद्घाटन गरिन् ।

उनले सहकारीले नाफाका लागी मात्र नभई समाजमा सकरात्मक सन्देश दिने खालका कार्यक्रम राखेर अगाडि बढ्न सहकारीसँग आग्रह गरिन् ।

संस्थाका अध्यक्ष चक्रबहादुर शाहीको अध्यक्षतामा भएको कार्यक्रममा रक्तसञ्चार केन्द्र पोखरा प्रमुख अर्जुन ज्ञवालीले हरेक स्वस्थ मानिसले ३ ÷३ महिनामा रक्तदान गर्न सकिने बताए ।

संस्थाका सल्लाहकार चन्द्रकान्त पौडेलले सहकारीले स्थापनाको छोटो समयमा उदाहरणीय काम गरेर स्थानीयको मन जित्न सफल भएको बताए ।

संस्थाकी सचिव अमृता बास्तोलाले सञ्चालन गरेको कार्यक्रममा स्वागत उपाध्यक्ष डम्बरप्रसाद पौडेलले गरेका थिए ।

तपाईको प्रतिक्रिया