लक्ष्मी आदर्शमा सम्मान

समाधान संवाददाता २०७७ मंसिर २५ गते १२:३३

समाधान संवाददाता, लेखनाथ

पोखरा महानगरपालिका २७ शिशुुवामा रहेको लक्ष्मी आदर्श माध्यमिक विद्यालयले सोमबार सम्मान कार्यक्रम गरेको छ ।

नेपाल उद्योग वाणिज्य महासंघको ५४ औं वार्षिक साधारण सभा तथा अधिवेशनबाट गण्डकी प्रदेशबाट केन्द्रीय सदस्यमा निर्वाचित बाबुराम गिरी र विद्यालय परिसरमा मञ्च निर्माण गर्न आर्थिक सहयोग गर्ने समाजसेवी शिवप्रसाद न्यौपानेलाई बधाई दिँदै सम्मान गरिएको हो ।

लेखनाथ उद्योग वाणिज्य संघका पूूर्व अध्यक्ष एवं व्यवसायी बाबुराम गिरीले समग्र लेखनाथबासीको एकता र सामुुहिक भावनाले विजय भएको बताए ।

विद्यालय व्यवस्थापन समितिका सदस्यसमेत रहेका गिरीले यो जित संघको मात्र नभएर सम्पूर्ण व्यवसायीहरुको, लेखनाथवासी एवं विद्यालय परिवारको जित भएको धारणा राखे ।

पोखरा २७ शिशुवा निवासी समाजसेवी शिवप्रसाद न्यौपानेले विद्यालय व्यवस्थापन समितिका अध्यक्ष एवं समाजसेवी राजेन्द्रमणि लामिछानेलाई २ लाख रुपैयाँको चेक हस्तान्तरण गरे ।

विद्यालय व्यवस्थापन समितिका अध्यक्ष राजेन्द्रमणि लामिछानेले गिरीको जित र न्यौपानेको विद्यालय परिवारलाई उत्साही बनाएको बताए ।

विद्यालयका प्रधानाध्यापक रवीन्द्रनाथ भट्टराईले विद्यालयको शैक्षिक एवं भौतिक पक्षको विकासका लागि नवनिर्वाचित गिरीसँग अपेक्षा राखेको बताए ।

शिक्षक अभिभावक संघका अध्यक्ष शिवमणि अधिकारी, विद्यालय व्यवस्थापन समितिका सदस्य अम्बिका सुवेदी, शिक्षक कोपिला धिताल लगायतले शुभकामना मन्तव्य राखेका थिए ।

विद्यालय व्यवस्थापन समितिका अध्यक्ष राजेन्द्रमणि लामिछानेको अध्यक्षतामा भएको कार्यक्रम सञ्चालन शिक्षक हेमराज आचार्यले गरेका थिए ।

तपाईको प्रतिक्रिया