समाधान संवाददाता, पोखरा

पोखरा उद्योग वाणिज्य संघको आसन्न ३३ औं महाधिवेशनअन्तर्गत सम्पादन हुने निर्वाचनको लागि तीर्थ श्रेष्ठको संयोजकत्वमा निर्वाचन समिति गठन भएको छ । कवि तथा संस्कृतिकर्मी तीर्थ श्रेष्ठ संघका पूर्वकार्यसमिति सदस्य र हाल साधारण सदस्य छन् ।

संघको मंसिर २१ गते बसेको कार्यसमितिको बैठकले आउँदो पुस २४ र २५ गते आयोजना हुने निर्वाचन कार्यक्रमको संयोजकसहित सहसंयोजक र सदस्यहरु मनोनय गरिएको संघका महासचिव अर्जुन पोखरेलले जानकारी दिए ।

महासचिव पोखरेलका अनुसार निर्वाचन समितिको सहसंयोजकमा दीप टे«डर्सका राजेन्द्रकुमार बाटाजु छन् ।

निर्वाचन समितिका सदस्यहरुमा अन्नपूर्ण फुड्स एन्ड वेभरेज प्रालिका डम्बरसिंह गुरुङ, फुजियामा ट्रेक्स एण्ड एक्पिटिसन प्रालिकाका टीकाराम सापकोटा, पि सुलभ इण्टरप्राइजेजका प्रकाश ज्ञवाली छन् ।

सदस्यमध्ये डम्बरसिंह गुरुङ र टीकराम सापकोटा संघका पूर्वकार्यसमिति सदस्य पनि छन् ।

संघका कानुनी सल्लाहकार दामोदर अधिकारी निर्वाचन समितिको पनि कानुनी सल्लाहकार छन् ।

महाधिवेशनअन्तर्गत चुनावी कार्यक्रम पुस २५ गते भए पनि निर्वाचनका कार्यक्रमहरु संघको विधान अनुसार निर्वाचन समितिले नै निर्धारण गर्नेछ ।