वेद विद्याश्रमलाई पोखरा सेन्ट्रल सिटीको सहयोग

समाधान संवाददाता २०७७ पुष ६ गते १३:४०

समाधान संवाददाता, पोखरा

पोखरा चिसाखोला वेद विद्याश्रम पोखरा १८ चिसाखोला आश्रममा लायन्स क्लब अफ पोखरा सेन्ट्रल सिटीले सहयोग गरेको छ ।

क्लबका अध्यक्ष राजेश शिल्पकारको सौजन्यमा विद्याश्रम प्रवेश गर्ने प्रवेशद्वार र सिंढी बाटाको रेलिङ् बनाउन सहयोग गरिएको हो ।

कार्यक्रममा कोचिफ एड्भाइजर सुचित्रा थापाले वैदिक धर्म, संस्कृतिमा वेद विद्याश्रमले खोलेको भूमिकाको प्रशंसा गरिन् ।

रिजन चियर पर्सन वासुदेव कोइरालाले सामाजिक उत्तरदायित्वसहित बालबालिकाको विकासमा लागेको भन्दै विद्याश्रमको प्रशंसा गरे ।

जोन चियर पर्सन चेतन कार्कीले क्लबका अध्यक्ष शिल्पकारले गरेको सहयोगको प्रशंसा गरे ।

शिल्पकारले ऐतिहासिक तपोभूमि विद्याश्रमलाई आगामी दिनमा शैक्षिक, भौतिक विकासमा सहयोग जुटाउन हरतरहबाट लागिपर्ने प्रतिवद्धता गरे ।

वेद विद्याश्रमका प्रमुख संरक्षक मोक्षनाथ तिमिल्सिनाले आश्रम गतिविधिमाथि प्रकाश पारेका थिए ।

क्लबका सचिव अर्जुन पौडेलले सञ्चालन गरेको कार्यक्रममा कार्यक्रम संयोजक प्रदीप सुवेदीले गरेका थिए ।

तपाईको प्रतिक्रिया