‘उपसभामुख शर्मा केन्द्रीय सदस्य होइनन्’

समाधान संवाददाता २०७७ पुष ८ गते १२:०९

समाधान संवाददाता, पाेखरा ।

नेकपा ओली समुहले गण्डकी प्रदेश सभाका उपसभामुख सृजना शर्मा नेकपाको महाधिवेशन आयोजक समितिको केन्द्रिय सदस्य नभएको जनाएको छ ।

ओली पक्षीय नेकपाका केन्द्रीय सदस्य एवं गण्डकी प्रदेश कमिटीका सचिव गोविन्द नेपालीले असावधानीबस उपसभामुखको नाम केन्द्रीय सदस्यका रुपमा आएको भन्दै भ्रममा नपर्न आग्रह गरेका छन् ।

‘शर्मा जी हाम्रो पुरानो नेता हो तर अहिले संबैधानिक पदमा भएको व्यक्ती पार्टीको नेतृत्वमा रहने कुरै हुँदैन,’ उनले भनेका छन् । उपसभामुख भए लगत्तै शर्माले पार्टी जिम्मेवारीबाट राजीनामा दिएको नेपालीले बताए ।

उपसभामुख शर्माले पनि आफु पार्टीको कुनै पनि जिम्मेवारीमा नरहेको जानकारी दिइन् । ‘साथीहरुले यत्तिकै नाम दिए होलान्’ शर्माले भ्रममा नपर्न आग्रह गरेकी छन्।

तपाईको प्रतिक्रिया