याेगेश भट्टराईले ओलीकाे तुलना ट्रम्पसँग गरे, भने–संसद ३ महिनामै पुनस्थापित हुन्छ

समाधान संवाददाता २०७७ पुष २३ गते १५:५०

समाधान संवाददाता, पाेखरा ।

नेकपाका स्थायी कमिटी सदस्य तथा केपी ओली सरकारका पूर्वमन्त्री याेगेश भट्टराईले प्रधानमन्त्री ओलीकाे तुलना अमेरिकाका राष्ट्रपति डाेनाल्ड ट्रम्पसँग गरेका छन् ।

उनले ट्रम्पकाे अराजकताका कारण अहिले अमेरिकामा हिंसा भैरहेकाे छ भन्दै नेपालमा केपीकाे अराजकताले यस्तै भएकाे बताएका हुन् ।

पाेखरामा विहीबार कास्की जिल्लास्तरीय जनवर्गीय संगठनकाे भेलालाई सम्बाेधन गर्दै केपीले देश र पार्टीमा आगाे लगाएकाे बताए । उनले ट्रम्पले जस्तै देशकाे संविधानले गरेकाे व्यवस्था र त्यसै अनुसार भएकाे निर्वाचन परिणाम स्वीकारेका छैनन्, आेलीले पनि त्यही गरेकेा आराेप लगाए ।

उनले विघटिन संसद ३ महिनामा पुनस्थापित हुने दावी गरे ।

०१७ सालकाे विघटन पछि संसद पाउन ३० बर्ष लाग्याे, ०५९ सालमा भंग भएकाे संसद पुनस्थापना हुन ३ बर्ष लाग्याे, भट्टराईले भने– यस पटक ३ महिनामा संसद पुनस्थापित हुन्छ ।

भट्टराईले सर्बाेच्च अदालत र प्रधानन्यायाधिश प्रति भराेषा जताए । तत्कालिन प्रधानन्यायाधिश शुशिला कार्कीलाई न्याय दिने चाेलेन्द्र समशेर जबराले देशका जनतालाई पनि न्याय दिने विश्वास व्यक्त गरे ।

त्यस्तै निर्वाचन आयाेगले पनि पार्टीकाे आधिकारिता र चुनाव चिन्ह आफुहरुकै हुने बताएका थिए ।

भट्टराईले प्रधानमन्त्री ओलीलाई राजा ज्ञानेन्द्रसँग तुलना गर्दै उनी भन्दा पनि कमजाेर अवस्थामा रहेका दावी पनि गरे ।

आधिकारिक पार्टी यही हाे, हामीसंगै हिड्नुस्–उनले भने– पार्टीले घाेषणा गरेकाे सडक आन्दाेलन प्रभावकारी बनाउन सक्दाे प्रयास गर्नुस, यसैमा जनताकाे भलाई हुन्छ देशकाे भलाई हुन्छ ।

तपाईको प्रतिक्रिया