पोखरा इलेक्ट्रिकल एसोसिएसनमा नयाँ कार्यसमिति, अध्यक्षमा आचार्य

समाधान संवाददाता २०७७ माघ ३ गते १९:५५

पोखरा, ३ माघ (समाधान)

पोखरा इलेक्ट्रिकल एसोसिएसनको शनिबार भएको २१ औं साधारण सभा तथा ११ अधिवेशनबाट मुक्तिनाथ आचार्य अध्यक्ष निर्वाचित भएका छन् । अध्यक्षसहित सबै पदाधिकारी र सदस्य सर्वसम्मत निर्वाचित भएका हुन् ।

कार्यसमितिको वरिष्ठ उपाध्यक्ष ऋषिराज बराल, द्वितीय उपाध्यक्ष शिशिर मिश्र, तृतीय उपाध्यक्ष गिरिराज बराल, महासचिव केशव ढकाल, सचिव नीलबहादुर भुजेल, कोषाध्यक्ष कृष्णमणि भण्डारी र सहकोषअध्यक्ष सरस्वती गिरी चुनिएकी छन् । विजय क्षत्री, मिलन तामाङ, अमृत पोखरेल, सुशीला भुर्तेल अधिकारी, प्रदीपराज पौडेल सदस्य चुनिएका छन् ।

सुदर्शन पौडेल नेपाल विद्युतीय व्यवसायी महासंघका अध्यक्ष सदुर्शन पौडेल, नेपाल उद्योग वाणिज्य महासंघ गण्डकी प्रदेश अध्यक्ष सञ्जीवबहादुर कोइराला, पोखरा उद्योग वाणिज्य संघका अध्यक्ष नारायण कोइराला, नेपाल विद्युतीय व्यवसायी महासंघका प्रथम उपाध्यक्ष रेशम देवकोटासहितका अतिथिहरुले अधिवेशनलाई सम्बोधन गरी शुभकामना प्रकट गरेेेेको जानकारी महासचिव केेेशव ढकालले दिए ।

तपाईको प्रतिक्रिया