गुल्मेली समाजको अध्यक्षमा क्षितिज

समाधान संवाददाता २०७७ चैत १ गते ०:३०

समाधान संवाददाता, पोखरा

गुल्मेली समाज पोखराको १६ औं वार्षिक साधारणसभा तथा ८ औं अधिवेशन शनिबार भएको छ ।

अधिवेशनबाट अध्यक्ष भानुभक्त भण्डारी (क्षितिज), उपाध्यक्षहरुमा नारायणप्रसाद न्यौपाने र कमलप्रसाद न्यौपाने, सचिव रुक्मांगत पोखरेल (विष्णु), कोषाध्यक्ष कृष्ण ज्ञवाली, सहसचिव विक्रम केसी र सहकोषाध्यक्ष चेतबहादुर घर्ती सर्वसम्मत भएका छन् ।

समितिका सदस्यमा प्रकाश ज्ञवाली, लक्ष्मी पोखरेल, रेखा भण्डारी, प्रकाश पुन, विष्णु विक, सिर्जना कँडेल, विष्णु पाण्डे, संगीता ढकाल, हेमनाथ ज्ञवाली (हिमाल), अमृता रेग्मी र हुमाकान्त पौडेल छन् ।

कार्यक्रममा गुल्मी घर भई पोखरा बसोबास गर्दै आएका प्रकाश ज्ञवाली पोखरा प्रज्ञा प्रतिष्ठानको सदस्य भएकोमा सम्मान गरिएको छ ।

कार्यक्रममागण्डकी प्रदेश मुख्यमन्त्री तथा मन्त्रिपरिषद् कार्यालयका सचिव इन्दु घिमिरेले सदस्यको हकहितका अलवा रचनात्मक र सिर्जनात्मक काम गर्न सुझाव दिइन् ।

सभामा प्रहरी नायब महानिरीक्षक (डिआइजी) घनश्याम अर्याल र समाजका अध्यक्ष नेत्रलाल ज्ञवालीले समाजको आवश्यकता र औचित्यका बारेमा प्रकाश पारेका थिए ।

तपाईको प्रतिक्रिया