भोली नै मुख्यमन्त्री विरुद्ध अविश्वासको प्रस्ताव दर्ता हुने

समाधान संवाददाता २०७८ वैशाख १ गते २०:१५

समाधान संवाददाता, पोखरा ।

राष्ट्रिय जनमोर्चाका अध्यक्ष चित्रबहादुर केसीले वक्तब्य नै जारी गरेर गण्डकी प्रदेश सरकारलाई दिएको समर्थन फिर्ता लिएको जानकारी गराएपछि अल्पमतमा परेको पृथ्वीसुब्बा गुरुङ नेतृत्वको सरकार विरुद्ध भोली विहीबार नै अश्विासको प्रस्ताव दर्ता हुने भएको छ ।

काठमाण्डौंबाट पोखरा आउदै गरेका नेपाली कांग्रेस संसदीय दलका नेता कृष्णचन्द्र नेपालीले यसको पुष्टी गरेका छन् । ‘प्राविधिक कुरा पुरा भएमा भोली नै अविश्वासको प्रस्ताव दर्ता हुन्छ ।’ उनले भने ।

अविश्वासको प्रस्ताव दर्ता गर्न प्रयाप्त हुने गरी नेपाली कांग्रेसले हस्ताक्षर संकलन गरिसकेको छ । सरकार विरुद्ध अविश्वासको प्रस्ताव दर्ता गर्न २५ प्रतिशत अर्थात १५ जनाको हस्ताक्षर भए पुग्छ । कांग्रेसका १५ सांसदले हस्ताक्षर गरिसकेका छन् ।

त्यस्तै माओवादी केन्द्र, राष्ट्रिय जनमोर्चा र जनता समाजवादी दलका अधिकांश सांसस पोखरा मै छन् । अन्य दलका सबै सांसद पोखरामा नभएपनि प्रतिनिधि मुलुक हस्ताक्षर भए पनि पुग्ने हुनाले विहीबार नै अविश्वासको प्रस्ताव दर्ता हुने नेताहरुले बताएका छन् ।

‘यदि केन्द्रबाट फरक निर्देशन वा केही समय पर्ख भन्ने सन्देश आएन भने भोली नै दर्ता हुन्छ ।’ दुवै पार्टीका नेताले भनेका छन् ।

तपाईको प्रतिक्रिया