पोखरा, ८ वैशाख (समाधान)–

श्री समग्र महिला बहुउद्देश्यीय सहकारी संस्था लिमिटेडको कार्यालय उद्घाटन गरिएको छ । पोखरा महानगरपालिका १४ भोटेचौतारामा संस्थाको कार्यालय उद्घाटन गरिएको हो ।

श्री समग्र सहकारी विभिन्न ६ वटा महिला विकास समितिलाई गाभेर बनाइएको थियो । सहकारीमा ५६० शेयर सदस्य रहेको संस्थाका सचिव तनुजा थापाले जानकारी दिइन् ।

उद्घाटन कार्यक्रममा प्रमुख अतिथि जिल्ला सहकारी संस्था कास्कीकी अध्यक्ष सावित्री कोइराला, पोखरा १४ का वडाध्यक्ष प्रेम कार्की, वडा सदस्य यशोदा भट्टराई, समाजसेवी बोधराज कार्की अधिवक्ता बोधराज बराल, ललित बानियाँ, बलबहादुर सेञ्चुरी, दिवस कुँवरलगायतले बोलेका थिए ।

कार्यक्रममा सरस्वती कार्कीले स्वागत मन्तव्य राखेकी थिइन् भने सभाको अध्यक्षता सविना अधिकारी क्षेत्रीले गरेकी थिइन् ।