समाधान संवाददाता, पोखरा

नेपाली अग्रज खेलाडीहरुको छाता संस्था भूतपूर्व खेलाडी मञ्च नेपालले गण्डकी खेलकुद परिषदमा सदस्य सचिवमा चयन मञ्चका अध्यक्ष तेजबहादुर गुरुङसहित परिषद सदस्यमा मनोनितद्वय मञ्चका द्वितीय उपाध्यक्ष दिल बहादुर गुरुङ र कार्य समिति सदस्य केशव पाठकलाई बधाई दिएको छ ।

मञ्चले स्थापना दिवसको अवसरमा उनीहरुलाई बधाई तथा सफल कार्यकालको शुभकामना दिएको हो ।

त्यस अवसरमा हालै सम्माननिय राष्ट्रपतिबाट जनसेवा पदक चौथोबाट विभूषित मञ्चका सल्लाहकार समितिका संयोजक तथा अग्रज समाजसेवी दिलबहादुर गुरुङलाई समेत मञ्चले सम्मान गरेको छ ।

मञ्चका अध्यक्ष तथा गण्डकी खेलकुद परिषदका सदस्य सचिव तेज बहादुर गुरुङले खेलकूदको प्रेरणाले नै आफू यो स्थानमा आइपुगेको बताए ।

उनले प्रदेश खेलकूदको विकासमा सँधै अग्रज व्यक्तित्वहरुको सुझावलाई अग्रभागमा राखेर अघि बढ्ने प्रतिवद्धता जनाउँदै खेलकुद विकासका लागि अन्तर्राष्ट्रिय क्षेत्रमा भइरहेका उपलब्धिहरुलाई समेत आत्मसात गर्दै अगाडि बढ्नुपर्ने उल्लेख गरे ।

जनसेवा पदकबाट विभूषित मञ्चका सल्लाहाकार समितिका संयोजक दिलबहादुर गुरुङले मञ्चले गर्दा नै आफूलाई ८३ वर्षको उमेरमा अझै सामाजिक अभियान कार्य गर्ने उर्जा मिलेको बताए ।

कार्यक्रममा मञ्चका सल्लाहकार तथा सफल व्यवसायी जगनबहादुर गुरुङले पोखरा म्याराथनलाई मञ्चले सन २०२४ सम्म म्याराथनहरुको छाता संस्था एम्समा पु¥याउन गरेको लक्ष्य निकै प्रशंसनिय र स्वागत योग्य रहेको बताउँदै गण्डकी खेलकुद परिषदमा सदस्य सचिवसहित ३÷३ जना एकैपटक नेतृत्व तहमा पुग्नुले मञ्चको गरिमा अझै उच्चो बनेको बताए ।

मञ्चका प्रथम उपाध्यक्ष तथा कृिष विकास बैंकका सञ्चालक हरिप्रसाद पराजुलीको अध्यक्षतामा भएको कार्यक्रममा प्रथम उपाध्यक्ष पराजुलीले मञ्चको स्थापन दिवसमा सदस्यहरु खेलकुदको नेतृत्व तहमा पुग्नुले संस्थाको गरिमा अझै ओझिलो बनेको उल्लेख गरे ।

त्यस अवसरमा मञ्चका द्वितीय उपाध्यक्ष तथा परिषदका सदस्य दिलबहादुर गुरुङ मञ्चका सचिव तथा क्षेत्रीय खेलकुदका निर्देशक कृष्ण तिमिल्सिना, मञ्चका सदस्य तथा परिषदका सदस्य केशव पाठक लगायतले धारणा व्यक्त गरेका थिए ।