२ गाेल गरेपछि एम्बाप्पे घाइते, पिएसजी शिर्ष स्थानमा

समाधान संवाददाता २०७८ वैशाख १२ गते ७:४४

एजेन्सी

चोटग्रस्त भएर मैदान छोड्नु अघि केलियन एमबाप्पेले गरेको दुई गोलको सहयोगमा जित निकाल्दै पेरिस सेन्ट जर्मेन ९पिएसजी० फ्रेन्च लिग वान फुटबलको शीर्ष स्थानमा उक्लिएको छ ।

शनिबार राति अवे मैदानमा भएको खेलमा पिएसजीले मेट्जलाई ३–१ ले पराजित गरेको हो । पिएसजीका लागि एमबाप्पेले चौथो र ५९ औँ मिनेटमा गोल गरे ।

८९ औँ मिनेटमा पाएको पेनाल्टीमा आइकार्डीले गोल गरेका हुन् । मेट्जका लागि ४६ औँ मिनेटमा सेन्तोन्जेले एक गोल गरेका हुन् ।

दुई गोल गरेका एमबाप्पे थाइ इन्जुरीका कारण पेनाल्टीमा आइकार्डीले गोल गर्नु पूर्व मैदान छोड्न बाध्य भएका थिए ।

एमबाप्पे चोटग्रस्त भएपछि यो हप्ता हुने च्याम्पियन्स लिग फुटबल अन्तर्गत म्यानचेस्टर सिटीसँगको सेमिफाइनललाई लिएर पिएसजीमा चिन्ता थपिएको छ ।

जित निकालेको पिएसजी ३४ खेलबाट ७२ अंकसहित शीर्ष स्थानमा पुगेको छ । दोस्रो स्थानको लिलेको ३३ खेलबाट ७० अंक छ ।

तपाईको प्रतिक्रिया