गण्डकीमा कोरोनाको ग्राफ डरलाग्दो, हप्तामै दोब्बरभन्दा बढी संक्रमित

समाधान संवाददाता २०७८ वैशाख १३ गते ०:००

समाधान संवाददाता, पोखरा

गण्डकी प्रदेशमा कोरोना संक्रमणको ग्राफ डरलाग्दो रुपमा बढेको छ । प्रदेश स्वास्थ्य निर्देशनालयको तथ्यांक अनुसार एक हप्ता (५ देखि १२ वैशाखसम्म) संक्रमित संख्या दोब्बरभन्दा बढी भएको छ ।

यो हप्ता ५ सय ७२ जना संक्रमित भेटिएको प्रदेश स्वास्थ्य निर्देशक डा. विनोदविन्दु शर्माले जानकारी दिए । ४ जनाको मृत्यु भएको छ ।

२९ चैतदेखि ५ वैशाखमा प्रदेशमा २ सय ५८ संक्रमित भेटिएका थिए । प्रदेशभर अहिले ८ सय ८० जना कोरोना संक्रमित छन् । तीमध्ये ६ सय ३३ अर्थात् ७१.९३ प्रतिशत संक्रमित कास्कीका हुन् ।

बाँकी जिल्लामा २ देखि १०२ जनासम्म संक्रमित छन् । प्रदेशमा आइतबारसम्म १७ हजार ७३७ जनामा कोरोना संक्रमण पुष्टि भएको छ । तीमध्ये १६ हजार ६४६ जना निको भएको र २११ जनाको मृत्यु भएको छ ।

तपाईको प्रतिक्रिया